Saturday, August 27, 2011

තනිකම

10 ප්‍රතිචාර | Read more...
ඇසක කඳුලු උනනා
දුක් ගෙවෙන්නට..
රිදුම් දෙන දවාලක සිත
නිවන්නට...
පැටලී ගිය සිතුවිලිදම්
ලෙහන්නට...
තනිකම හොඳම මිතුරෙකි
හිත හැදෙන්නට..

Monday, August 22, 2011

අනඟ ලිය ( by චේ උන්නැහේ )

9 ප්‍රතිචාර | Read more...


සූ සැටක් වූ ,
මායම් දහරින්...
දීන සලෙලුන්,
තුටු දනන මුත්...

රිය සකක් වන්,
පුළුලුකුල මත..
අනෙක පුං කඳ,
සැනහෙනා මුත්..

තිසර තන නොව,
වැහැරුනා වූ...
සම දරාගත්,
ලය මඬල දැක.

කෙසේ අගයම්ද,
නුඹේ ඔය රුව..
දැන් වියපත්ය,
නුඹ අනඟ ලිය...

Friday, August 12, 2011

සුසුම් උණුසුම් 2

5 ප්‍රතිචාර | Read more...

''මොකද බං මේ අද උදෙන්ම මුණ එල්ලන්..අදත් මාලින්ද එක්ක වලියක්ද ..'' හොදම මිතුරිය මෙන්ම සොයුරිය වු සඳලි පැවසුවේ කවට කමටය ..එනමුදු එලෙස විය හැකි බවද ඇය සහසුද්දයෙන්ම දැන උන්නාය ..

''ඇත්තමයි මෙච්චර යාලුවෝ වෙච්චි මට බැරි උනානේ තාම ඔය ගිනි කුකුලාව බලා ගන්න..''

''එක්කෝ උඹ කලින් යනවා..නැත්නම් මම කලින් යනවා..අපේ ටර්න් එක ඉවර වෙද්දි කවුරු හරි ඉන්නම එපැයි ෆයිල්ස් අතටම දෙන්න ...''

අප දෙදෙනාම වැඩ කලේ පෞද්ගලික ආයතනයකය ..පාසල් කාලයේ මෙන් කෙලිලෝල් දගකාරකම් කාර්යාලේ මිතුරන් ඇසුරේ නොවැඩුනද මමත් සඳලිත් අතර වුයේ දැඩි මිත්‍රත්වයකි..

''ඇත්තටම අද මොකද බං මුණ ...''

''ඇයි '' දහවල් කැම වේලේහිදි මා තනිකර ගත් සඳලි මා දෙස සංවේගයෙන් බලා හිදින්නට විය ..

''මාලින්ද එක්ක ඉදලා මට එපා වෙලා..මට හිතෙනවා මේ එෆෙයාර් එක නවත්තලා දාලා ඉන්න ..''

''ඉතින් නවත්තන්න..ඇයි බොරුවට හිතින් දුක් විදින්නේ..''

''මාලින්ද එකට ඉඩ දෙන්නේ නැහැ මාව මරයි''

''පිස්සු..මාලින්ද ඇයි එහෙම කරන්නේ..''

ඇය නොදන්නා කොතෙක් නම් දැ අප ජිවිතයේ ඇත්ද..මා හුදෙක් මාලින්දගේ පෙම්වතියම නොවන වග ඈ ට මා කෙලෙස කටක් ඇර කියන්නද..ඈ මා ගැන කෙලෙස සිතනු ඇත් දැයිද කියා මා බිය උනෙමි..

''එ සැරේ පිළිකුල් භාවනාව කරනවද''

''අනේ මන්දා බං සඳලි මට මාව පැටලිලා කියලා විතරයි හිතෙන්නේ..මට ඉස්සර තිබ්බ එ ආදරේ මාලින්දට නැ ..නැහැමත් නෙමේ..මහා මොකක්දෝ දෙකින් මාවයි මාලින්දවයි ඇත් කරලා''

ආදරයක් වුවද කල් ගත වන විට පුස්වෙන වග මා අසා නොතිබුනද මගේ ආදරයට වි තිබුනේ එය යැයි මට සිතුනි..මම ඔහුට පෙම් නොකරනවා යැයි කිවොත් බොරුය ..මම ඔහුට මහත් සේ පෙම් බඳිමි..නුමුත් ඔහු හා මගේ ගති සිරිත් අහස පොලව බඳුය ..මෙතරම් කලක් මා ඉවසන් උන්නද තව දුරටත් එය කල හැකිද කියා මම නොදනිමි..ඔහු මට ලෙසියෙන් යන්නට ඉඩ නාරින බවද මම දනිමි..

''ඔච්චර හිතන්න එපා අන්න උඹේ අකුසල් මේ පැත්තට එනවා ටිකක් හිනා වෙයන්..''

''කොහොමද සිතාරි''

''වරදක් නැ කුසල් වෙනදා වගේමයි..''

කුසල් යනු අප වැඩපලේම ඉහල අංශයේ නිළධාරියෙකි..නමුත් ඔහුත් අපත් අතර වුයේ සේවක සබදතාවට ඉහලින් ගිය හිතේශි හැඟිමකි..ඔහුට නම කියා මිස ගරු ලෙස කතා කිරිමට අප පුරුදු වි නොසිටි අතර ඔහුද එය ගනනකට ගත් අයෙකුද නොවේ.. කුසල් මමත් සඳලිත් සමාගමට වැටුනු කල අනෙක් අයගේ දැස් වලට එය කටු ඇනෙනාක් බඳු විය .

''අද සීතාරි ඉන්නේ ලොකු කල්පනාවක'' විමසුම් ඇසින් මා දෙස නිරික්ශනය කරන වග හැගවෙන දැසකින් බැලු ඔහුගේ දැස් ත් මා දැස් එක් වු තැන ඉක්මනින් මා බත් පතට නෙත යොමු කලේමි..

''සීතාරි මේ වෙඩින් එක ගැන හිතනවා.''

එක්විටම කමින් සිටි බත්කට ඉස්මොල්ලේ ගිය කුසල් මා දෙස බලන් උන්නේ අසරණ වු මුවපොව්වෙකු ලෙසය ..

''සීතාරි බඳිනවද'' ගොත ගසමින් මෙන් ඔහු ඇසු පැනය මා හිතට මහත් දුකක් ඇති විය ...

''නැ නැ සීතාරි නෙමේ දසුනි..ඇයි ඔයාට වෙඩින් එක කිව්වේ නැද්ද'' බොහෝ අමාරුවෙන් සිනාව විකාගත් සඳලි එය ඇසුවේ මහත් බැරැරුම් කමින්ය..මටත් සිනා ආ මුත් ඇගේ විලාසය දැක තව තවත් ඔහු අසරණ කෙරුමට සිත් නොවිය ..

''මම යනවා'' අඩක්වත් නොකැ බත් මුල අසල වු කුණු බක්කියට දමා නැගිට ගත් කුසල් ඉක්මන් ගමනින් යන යුරු බලා සිටි අප දෙදෙනා මහා හයියෙන් හිනා වුනද මට මහත් දුකක් ඔහු ගැන දැනුනි..

''පව් බං අසරණයා'' මම සිනාව යටපත් කරගනිමින් කිවේමි..මෙතක් වු දුක්ඛ දොම්නස් කොහේ පාවුනේදැයි සිතා ගත නොහැක ..

''දැක්කානේ ඇති යාන්තම් උඹේ මුඩ් ෆික්z උනා..හෙහේ..වරෙන් වරෙන්..යමු..ඕක කුසල් ට හෙට උදේ වෙද්දි අමතකයි''

Tuesday, August 9, 2011

සමමිතික අසමමිතික

9 ප්‍රතිචාර | Read more...

සමනලුන් රෑනම රොන් සොයයි....
මලින් මලට පියඹයි....
මල් වල පැණි බොයි....
තවත් මලකට සැනෙන් පියඹයි....
හැම මලක්ම උන්ට කැමතියි....
හැම මලම උන්ට රොන් ගන්නට දී බලා සිටි....
උන් සමමිතිකයි... 


එකම එක සමනලෙක්....
තටුව බිඳනු සමනලයෙක්....
පියාඹිය නොහැකිවම....
සුලං අතට ගසාගෙන වුත්....
අපුෂ්ප ගසක බොහෝම අමාරුවෙන් වාරුගෙන
වසා සිටී...
කවුද ඌට රොන් ගන්නට දෙන මල.....
තටුව බිඳුන
ඌ අසමමිතිකයි


සමමිතික දේ ලස්සනයි...
අසමමිතිය අවලස්සනද???


සොබාදහම සමමිතිකම නැති බව
සොබාදහමට ලංව බැලුවොත් හැමෝටම පෙනේවි.... :)

Monday, August 1, 2011

කස්ටියම එන්න,මෙහෙන් වටලප්පන් කන්න..

21 ප්‍රතිචාර | Read more...
හොදයි යාලුවනේ.. ඔන්න අදත් ආඩම්බරකාරිගේ ඉවුම්පිහුම් පාඩමත් අරගෙන මම ආවා රසවත් අතුරු පසක් අරගෙන.. මොනාද දන්නවද.. රසම රස වටලප්පන් එකක්..!! ඉක්මනට ලේසියෙන් හදන්න පුළුවන් වුනාට මේක ඉතින් යහතින් ඉන්න අපි ඔයාල වගේ කට්ටියට නම් කන්න පුළුවනි,සීනි එහෙම තියෙන වැඩිහිටි අයට නම් හරි යන්නේ නෑ.ඒකත් කියලම පටන් ගන්නෝනි නැත්නම් පස්සෙ කස්ටිය මට බනීවි.. :D :D 


එහෙනම් මෙන්න අපේ වටලප්පන් එක හදන්න ඕනි කරන බඩු ටික..,
  • හකුරු - 250g(කිතුල් හකුරු තියේ නම් වඩා හොදයි,ඒත් ඉතිං අපිට කොයින්ද පූසෝ මාළු..මම ගත්තේ කඩේ තියෙන 3/4සීනි 1/4කිතුල්හකුරු.ඒකත් නරකම නෑ :D)
  • බිත්තර - 06
  • කිරි(පොල්කිරි/එළකිරි) - 250ml (පොල් කිරි ගන්නවා නම් මිටි කිරි ගන්න)
  • සාදික්කා - තේ හැදි 1/4
  • එනසාල් - කරල් 2,3
  • කුරුදු - පොඩි කෑල්ලක්(කුරුදු රසට කැමති නම් විතරක්)
  • සීනි - මේස හැදි 3

අවශ්‍යය නම්,ගෙදර තියෙනව නම් විතරක්..,
  • කජු-50g
  • සුල්තානා-50g
(මේ දෙක මම නම් දැම්මෙ නෑ ගෙදර තියෙනව නම් දාන්න.ඒව නොදැම්මත් අපේ වටලප්පන් එක රසයි :) )

හරේ මේං හදන විදිය,


මුලින්ම හකුරු ටික චූටියට කපා ගන්න.ඊටපස්සෙ ඒ ටික පෑන් එකකට 
දාල වතුර ටිකකුත්(මේස හැදි 4ක්)දාල උණු කරගන්න.දැන් ඒක රත් වෙද්දී එනසල් ටික තලලා,ඒකයි සාදික්කා ටිකයි එකතුකර ගන්න හකුරු මිශ්‍රනයට..කුරුදු කෑල්ලත් දාන්න.දැන් හකුරු එක හොදට උණු වුනයින් පස්සේ එකට කිරි ටික දාලා මිශ්‍ර කරගෙන ලිප නිවල හකුරු හා කිරි මිශ්‍රනය නිවෙන්න අරින්න හොදට.ඒ අතරෙ බිත්තර ටික වෙනම භාජනේකට කඩල දාල විස්ක් එකකින් හොදට බීට් කරගන්න.(බිත්තර බීට් කරන තරම අනුව තමා වටලප්පන් එක කැපුවම ඇතුලෙ ලස්සනට බුබුළු බුබුළු හිටින්නෙ)දැන් අර හොදට නිවා ගත්ත හකුරුයි කිරියි මිශ්‍රනයට,බීට් කරගත්තු බිත්තරත් දාලා හොදට දෙකම කවලම් කරගන්න(හකුරු මිශ්‍රනේ උණුවෙන් තියෙද්දී බිත්තර දාන්න එපා බිත්තර ටික හකුරුවල රස්නෙට තැම්බෙනවා)

දැන් සීනි ටික වෙනම පෑන් එකකට දාල කැරමල් කරගන්න.කැරමල් එක හරියට තියෙන්න ඕනි.ඒක කරන්නෙ මෙහෙමයි.පෑන් එක රත් කරල සීනි ටික ඒකට දාන්න.දැන් වතුර තේ හැන්දක් විතර ඒ සීනි උඩින් ඉහින්න ලිපේ ගින්දර අඩුකරලා සීනි ටික හිමීට උණුවෙනකන් ඉන්න.කවදාවත් සීනි කැරමල් කරනකොට හැදි පාවිච්චි කරන්න එපා.සීනි කැටි ඉතිරි වෙනවා.දැන් කරමල් එක රන්වන් පාටට එනකොට ලිපෙන් බාගන්න.කැරමල් එක කර කරගන්න නම් එපා ළමයිනේ..වටලප්පම තිත්ත රසට කන්න වෙන්නෙ.දැන් අපේ වටලප්පන් එක බේක් කරන්නයි තියෙන්නෙ ඉතින් එකට අවශ්‍යය ප්‍රමාණයේ තැටියක් අරන් අපේ අර සීනි කැරමල් කරපු ටික තැටියෙ තැනින් තැනට වක්කරගන්න(මේ සීනි කැරමල් එක යොදාගන්නෙ වටලප්පන් එක තැටියෙන් ඉවත් කරගන්න ලේසි වෙන්න)දැන් අපේ වටලප්පන් මිශ්‍රනය පෙනේරයකින් පෙරලා තැටියට එකතු කරගන්න.දැන් අර කජු,සුල්තානා එහෙම දානවනම් එකත් එකතු කරගෙන ඊළගට තෙල් කඩදාසියකින් තැටිය හොදට වහලා නූලකින් ගැටගහන්න.
හරි දැන් අපේ වටලප්පන් මිශ්‍රනය අවන් එකට දාන්නයි තියෙන්නෙ.අවන් එකේ සෙන්ටිග්‍රේට්ස් 180ක පැයක් විතර මේක බේක් වෙන්න දාන්න.දැන් දුවලා ගිහින් කුස්සිය ලස්සනට අස්පස් කරන්න.නැත්නම් වනජීවී එකෙන් පනීවි.හරි දැන් කුස්සිය අස්කරලා මූන කට හෝදන් එන්න.දැන් පැය හරි ඇති.ඊළගට අපේ සුවද හමන වටලප්පන් එක අවන් එකෙන් අරගෙන එක ටිකක් නිවෙන්න ඇරලා අන් මෝල්ඩ් කරන්න.ඊටපස්සෙ ශීතකරණයෙ ටිකක් තියලා ඉවරවෙලා අවශ්‍යය වෙලාවට කැමති තරමට කපලා පිළිගන්වන්න.

මෙන්න මේ වගේ....,


අවවාදයයි:- හකුරු වැනිදෑ මිලදී ගැනීමට ටවුන් එකේ සුපිරි වෙළද සැල් වලට යාමට පෙර දෙවරක් සිතා බලා ගමේ හන්දියේ කඩේට දුවන්න..හිකි හිකි හිකි  :P :P 

බායි බායි..හදලා බලලා රසද කියලා කියන්න..