Friday, December 31, 2010

සෙනෙහස.........

3 ප්‍රතිචාර | Read more...


නියුරෝන සෛලයක උපාගම අභිබවා........
සෙනෙහෙ ආකලනයෙන් සංතෘප්ත ගුණ කවා.........
ජීවිතය ත්වරණයට ඝර්ෂණය පරදවා.........
ලැබුන බාහිර බලය ඔබයි ගුණදම් පොවා.......

ජීවන ලෙජරය තුලනය කරනට,
ඔබගේ රුධිරය වැය කරවා.......
ක්ෂී රය පොවලා මා වඩවාලා,
ලෝකය දිනනට මං තැනුවා.........

 ඒ ලද සවියෙන් මතු යම් දිනයක,
දිනනා කල ලෝ තලය  මෙමා...........
 ගුණ කඳ සිහිකර පුදනෙමි නිරතුරු,
අමතක නොකරමි මගෙ අම්මා.........

Thursday, December 30, 2010

කෘතීම ජීවිතය

2 ප්‍රතිචාර | Read more...
සිතුවිලි අකල් මරණයකට ගොදුරු විය. සිතන්නට ඉඩ හසරක් නොවූ මනස යාන්ත්‍රික විය. මා හඹාගිය ජීවිතය මා පසුපස හඹා එන්නට විය. පරක් තෙරක් නොමැති දිවි සයුර මැද කුඹ ගසද හබල් ද අහිමි ජීව නෞකාව තනිවිය. දටු කිසිවක් එහි නොවුනි. අවසානයේ සියල්ල සිහිනයක් විය. මවාගත් ලොවක් විය. 

පිවිසුනෙමි වර්තමානයට
විවර කලෙමි වසාගෙන සිටි දෑස 
අවසන් කලෙමි දුටු සිහිනය

පැවසුවා වුවද නොදුටු බව සිහිනයක්, සිතා සිටියා වුවද නොරැවටුන බව තමන්, සිදුව තිබුනේ එයම නොවේද...

බලව දෑස් හැර, අවට ඇතිදැයි කිසිත්
ඇත ඒ සිහිනයෙන් දුටු දේ නොව, අන් යමකි
පලක් ඇත්දැයි නොවැටහෙන යමකි

සුන්දරත්වය, සතුට, කොහිද ජීවිතයට ඇත්තේ? ‍නොතේරෙන නුමුදු දුක් ගැහැටින් පිරි ඉතිරුනු ජීවිතයකි ඇත්තේ...

සිනහව බලෙන් ඔබ්බවන ලද්දකි, ප්‍රිය වචනය තියුණු තුඩකින් කැටයම් කරන ලද්දකි, පාට තීන්තෙන් සායම් කරන ලද දැඩි සේ කෘතීමකරණය වූ යමකි ජීවිතය...

සපල බලාපොරොත්තු, ස්වාභාවිකත්වය, නිර්මාණශීලීත්වය යි අහිමි ජීවිතයට සදාකල්හිම...


එසේනම් කුමටද මේ කෘතීම ජීවිතය???


ප.ලි.: හිතල හිතල මුකුත්ම හිතුන නැති තැන පරණ සිතුවිල්ලක් අයෙම දැම්මේ. කවුරු හරි මේක කලිං දැකල තියෙනවනම් හිතයි, පොඩි මහත්තය පෝස්ට් උස්සනව කියල. අපෝ මම එහෙම කරන්නෑ. මේක මගේම සිතුවිල්ලක්. මෙතන දාන්නෙත් මමමයි.

සුන්දර රැය

5 ප්‍රතිචාර | Read more...
මගේ දුවේ ඔබ අවදියෙන්නම්....
මේ රැයේ මිහිරිම වෙලාවයි...
දොර ඇරන් එළියට ආවොතින්
මේ මිහිරි දේවල් නුඹටමයි


සේපාලිකා මල් බිමට බැහැලා
ඇවිදින්න යන වෙලාවයි
නිල් තාරකා බිම බලාගෙන
වැව් දියට පෙම් බැදි වෙලාවයි
මේ පොළව කෙතරම් සුන්දරද
මගේ දූත් තනියෙම හිනාවෙයි


මගේ දුවේ ඔබ අවදියෙන්නම්....
මේ රැයේ මිහිරිම වෙලාවයි...
දොර ඇරන් එළියට ආවොතින්
මේ මිහිරි දේවල් නුඹටමයි


ඝණ කරුවලට අප පෙම් කලොත්
ඉර හද තරුවලට ණය ගැතියි
ලොව දුන්නු දේවල් අද අපිට හෙට
ලොවට පෙරලා දිය යුතුයි
ඔබ මේ ලොවට ආදරේනම්
මුළු ලොවම ඔබටත් ආදරෙයි


මගේ දුවේ ඔබ අවදියෙන්නම්....
මේ රැයේ මිහිරිම වෙලාවයි...
දොර ඇරන් එළියට ආවොතින්
මේ මිහිරි දේවල් නුඹටමයි


මේ සින්දුව කරුණාරත්න දිවුල්ගනේ මහත්මයාගේ මම ආසම කරන සින්දුවක්..


සින්දුව බා ගන්න මෙතැනින් යන්න 

Wednesday, December 29, 2010

ආදරේ කාටද?????

12 ප්‍රතිචාර | Read more...




වෙලාව රෑ 7ට විතර ඇති..ජන්ගම දුරකථනය නාද උනේ කෙටි පනිවිඩයක් ලැබුන නිසා..කාගෙන්ද කියල දැන දැනත් මම බැලුවා...ආහ්.....මගේ යාලුවෙකුගෙන්..හොද යාලුවෙකුගෙන්.එයාගෙන් ලොකුම ලොකු ප්‍රශ්නයක්..

ඉරුට වඩා අපි සදුට ආදරේ කරන්නේ මොකද අහනවා..අනේ මන්දා මොනවා කියන්නද කියලා.ඇත්ත්ටම අපි ආදරේ ඉරුටද,සදුටද?

ගොඩක් අය කියයි සදුට කියලා.සදු ලස්සනයි..හැඩයි...ඉරුට වගේ නෙමේ සදුට ගොඩාක් ලන්වෙන්න පුලුවන්.

තරු ගොඩාක් වට කරන් පුන්චි එලියක් විහිදගෙන කොච්චර ලස්සනට අහසේ පායනවද,,,ඒ ලස්සන කියලා නිම කරන්න බෑ...අපේ බ්ලොග් ලියන කට්ටියත් කොච්චර දෙනෙක් සදු ගැන නිසැදැස් ලියල තියෙනවද?

හැමෝමලා සදුට ආදරේ කරන්නෙත් ඉරුට නපුරුකම් කරන්නෙත් ඇයි?

මෙන්න තව ටිකකින් ආයෙත් මැසේජ් එකක්.. ඒත් සදු ගැනමයි....සදුට ආදරේ හිතිලද කොහේද...

මම ඉරු...මම සදුට වඩා ඉරුට ගොඩක් ආදරේ...එයාට මම ඒක කිව්වා...මම ආදරේ කරන්නේ ඉරුට කියලා...මට ඒකට හේතු කියන්න පුලුවන් කමක් තිබුනේ නෑ....සල්ලි ඉවරටම ඉවර වෙලානේ අප්පා ෆෝන් එකේ....

ඊට පස්සේ එයා එක දිගට මැසේජ් එව්වා..මම අසරණ වෙලා බලන් ඉදියා...සදු ගැන ගොඩක් අගේ කරලා...මේක ඔයා කියවනවා..මම දන්නවා ඒ බව......මේ ඉරු...ඇත්තම ඉරුට ආදරේ කරන්නේ මොකද කියලා කියන්නම්...

ඔව්..ඔයා කියනවා සදු ලස්සනයි..ගොඩාක් ලස්සනයි..සදුට ලන් වෙන්න පුලුවන්..ඔව්..ගොඩාක් ලන්වෙන්න පුලුවන්..සදේ එලිය ගොඩාක් අඩුයි...ඔව්..සදු ලස්සනයි...සදුගේ එලිය අයිති කාටද කියලා ටිකක් හිතුවද...අනුන්ගේ එලියෙන් බැබලි බැබලි ඉන්න සදු ඔච්චරම වටිනවද? ඉරුට ලන් වෙන්න බැරුව ඇති..ඒත් ඉරු නිසා ඔයා..මම..අපි හැමෝමලා හුසම ගන්නවා..ජීවත් වෙනවා...ලස්සන කියන දේ අපි හැමෝම කොච්චර ලේසියෙන් රවට්ටනවද? ලස්සනට රැවටෙන්නේ නැතුව වටිනාකමෙන් කෙනෙක්ව මනින්න...

ඒක තමා මේ ඉරුට..මේ රත්ගමයට කියන්න ඕන....හිතන්න...තාමත් ආදරේ සදුටද?

(මේක ඉරුයි...සදුයි ගැන ලිව්ව උනාට හැබෑ ජීවිතේටත් අදාල වෙනවා කියලා අමතක කරන්න එපා....)

ජාලයේ යුධභටයෝ - මෙන්න මෙහෙමයි වෙන්නෙ -

8 ප්‍රතිචාර | Read more...
කවදාහරි හිතලා තියනවද ලින්ක් එකක් ක්ලික් කරහම ඈත්තටම මොකද වෙන්නෙ කියල?වෙන හිතන්න දේවල් නෑතුවටද,වෙන වෑඩ නෑනේ ඔවා ගෑන හිතන්න! කියල හිතනවා ඈති ඔයාලා දෑන් නේද?

එහෙම හිතන්නෙ නෑතුව බලන්නකො,අපි යවන දත්ත එකතුවකට (Information) අවසානේ මොකද වෙන්නෙ කියලා පොඩි හරි අවබෝධයක් ලෑබෙයි මේ ගෑන මොනවත්ම දන්නෙ නෑති කෙනෙක්ට උනත්,මෙන්න වීඩියෝ එක.
 

Tuesday, December 28, 2010

මඳුනාගල අහසේ දඟ කරනා තරු ගනින්න... උණු දිය පොකුණ ළඟදි හැන්දෑවක මුන ගැහෙන්න...

10 ප්‍රතිචාර | Read more...

































මේ තියෙන්නෙ අපි සූරියවෑව මඳුනාගල උණුදිය පොකුණු බලන්න ගිහින් ගත්ත පින්තූර ටිකක්.

මෙන්න මෙහෙමයි ගමන් මඟ :-
ඇඹිලිපිටිය නෝනාගම පාරේ ගිහින් පදලංගල හංදියෙන් වමට හැරිලා කිලෝමීටර 7ක් විතර යන්න ඕනේ.ඊට පස්සෙ දකුණට තියන අතුරු පාරේ (මාර්ග පුවරු වලින් දක්වලා තියෙනවා) කිලෝමීටර 4.5 වගේ  ගියාම තමයි මෙන්න මේ උණුදිය පොකුණු බලන්න පුලුවන්.


Sunday, December 26, 2010

ජීවිතය

11 ප්‍රතිචාර | Read more...

ජීවිතය...
උදෑසන=ළමාකාලය
කුඩාකල පැල ගසකි, නිදහසේ නිසොල්මනේ වැඩෙයි
සරුංගලයක් සේ පාවීයයි හිස ආකාසේ පුරා.... 
එහෙත් සරුංගලය නූලෙන් බැඳ ඇත්තේ අයාලේ නොයනු පිණිසයි.


ජීවිතය...
දිවාකල=තරුණකාලය
උසට වැඩුනද ස්ථිර බවක් නැති ගසකි
ආදර දැනෙයි එය සොයා යයි...
හිස් අහස පුරා සැරි සරයි... බැඳ දැමු නූලු පට බිඳ දමා...

ජීවිතය...
සැඳෑකල=වැඩිහිටිකාලය
ශකිතියෙන් මුහුකුරාගිය වැඩුනු ගසකි.
අහස හිස් වුව එදෙස බලා සිටිනු මිස පුරා සැරි සරන්නේ නැත...
ජීවිතය දෙස හැරී බලන කාලයකි එය...

ජීවිතය...
රාත්‍රිය=සමුගත් නැවතුම
කොළහැලී වයසට ගොස් මියැදුනු ගසකි.
තරු පිරිවැරුණු රෑ අහසේ සුන්දරත්වය
බලනු පිණිස එහි කිසිවකුත් නැත...


අමිහිරි මතකයන් - දෙසැ 26

12 ප්‍රතිචාර | Read more...
අද තමා රත්ගමයා අක්ෂරයට ලියන මුල්ම දවස..මොනවද මුලින්ම ලියන්න ඕන....කිසිම දෙයක් හිතා ගන්න බෑ....ලමයා මාව මේකට එකතු කරගන්න ඇත්තේ රත්ගමයා මොකක් හරි කට කැඩිච්ච කතා ටිකක් ලියයි කියලා බලාපොරොත්තුවෙන් වෙන්න ඇති...ඒත් අද ඒ බලා පොරොත්තුව කැඩෙනව...මට සමාවෙන්න...


                    අද දෙසැම්බර් 26..මීට අවුරුදු 6කට කලින් අවුරුද්දේ දෙසැම්බර් 26 වෙනිදා කාටවත් අමතක නැතුව ඇති..සුනාමි කියන දේ කනට පලවෙනිපාරට අහන්න ඇත්තේ එදා වෙන්න ඕන..

මුහුදට අපි ගොඩක් ආදරේ කරා..හැමදාම මුහුදු වෙරලේ සෙල්ලම් කරන එක මගේ ජීවිතේ කොටසක් වෙච්ච කාලයක් තිබුනා.

එදා නත්තල් දවසට පස්සේ දවස..අපි හැමෝම සතුටින් ඉදියේ..ඒත් උදේම වෙනදා නැති විදිහේ අමුතු සද්දයක් මුහුද පැත්තෙන් ඇහුනේ මොකක් හරි වෙන්න යනවා වගේ..රත්ගමයත් එලියට බැස්සේ මේ සද්දේ මොකක්ද බලන්න...

විශ්වාස කරන්නත් බැරි දෙයක්...ලොකු රැලක් මුහුද පැත්තෙන් එනවා..මොනවා කරන්නද කියලා හිතා ගන්න බැරි උනා...දුවන්නද...නැවතිලා බලන් ඉන්නද...

හිත හිතා ඉන්න වෙලාවෙදි ඉන වෙනකල් වතුර පිරිල්;ටික වෙලාවකින් පාවෙලා යනවා දැනුනා....ඒත් කකුල් පොලවේ ගහගෙන අමාරුවෙන් හරි ඉන්න පුලුවන්...ඔය වෙලාවෙදි තමා ගහක් හරි මොකක් හරි එකක් අතට අහු උනේ...වතුර පාර බැහැලා යනකල්ම ඒකේ එල්ලිලා ඉන්න පුලුවන් උනා...යන්තම් වතුර අඩු වෙනකල් ඉදලා දුවලා ගියේ ගෙදර අනිත් අයට මොනවා උනාද කියලා බලන්න..දෙවි පිහිටෙන් කාටවත් කරදරයක් වෙලා නෑ...ආයේ ටිකකින් තව රැල්ලක් ආවා...ඒක නම් එනවා ඈත තියාම දැක්ක නිසා දුවන්න පුලුවන් උනා...කොහොම කොහොම හරි දිව්වා,....හති හල හල දිව්වා...අපි දුවනවා හිනා වෙවී බලන් ඉදපු කට්ටියකුත් ඒ අතරේ ඉදියා...එයාල අපිව විහිලුවකට අරන්..මුහුද ගොඩ ගලන්නේ නෑ ලු...එහෙම කී දෙනෙක් මග ඉදලා කිව්වද..

ටිකක් දවල් වෙලා මමයි තාත්තයි ආයේ ආවේ ගෙදර බලන්න....ගේ වටේම තාප්ප බිම වැටිලා..ජනෙල් බිදිලා..දොරවල් නෑ...බිම අඩිය තියන්න බෑ මඩ තට්ටුව අඩි 3ක් විතර ඇති..

        ගේ දිහා බලාගෙන අඩනවා ඇරෙන්න එදා වෙන වැඩක් කරේ නෑ..ඒත් ඊට පස්සේ දවසේ ආයේ ආවා..මුල ඉදලා වැඩ පටන් ගත්තා...කුනු ගද ඉවසගෙන මඩ තට්ටුව අයින් කරා..ගේ ඇතුලේ අපේ කියලා කිසිම බඩුවක් නෑ..අදින්න ඇදුමක් වත් නෑ...නෑදෑයොන්ට පින් සිද්ද වෙන්න අදින්න ඇදුම් ලැබුනා..අපි දුක් උනේ නෑ...අපේ ජීවිත වලට දෙවි පිහිටෙන් කිසිම කරදරයක් උනේ නැති නිසා.ගෙදර යම් තත්වෙකට සුද්ද කරත් ගෙදරට කරන්ට් නෑ...

               මාසයක් විතර යනකොට අපිට ගේ පදින්චියට එන්න පුලුවන් වෙන්න හදා ගන්න පුලුවන් උනා..

දැන් නම් අඩුවක් නැතුව අපි අපේ ජීවිත හදා ගෙන...ඒත් ඒ දවස කවදාවත් අමතක වෙන එකක් නෑ..

            ගොඩක් ජීවිත නැති උනා...සමහර විට සුනාමියට අහු උන ජීවත් වෙලා ඉන්න ගොඩක් අය ගේ කතාවත් මේ වගේම වෙන්න ඇති. 

හැබයි තාමත් අපි මුහුදට ආදරෙයි....ඉස්සර වගේ හැමදාම මුහුදට යන්න වෙලාව නැති උනත් පුලුවන් වෙලාවට ගිහින් ඉර බහිනවා බලන්න ආසයි...
   
"සුනාමි උවදුරින් අප අතරින් ව්යෝ ඌ සියලු දෙනාගේ සසර ගමන කෙටි වේවා"යි අක්ෂර‍යේ පැතුමයි

Saturday, December 25, 2010

චංචල හිත් ඇත්තනී...

5 ප්‍රතිචාර | Read more...

සිහින දකින මගේ හිත් අහස මත....
නුබ වෙනස්ම පදයක් වියමුත්..
හැරයන්නට සිත් සිතුවත්...
එක් හිතකට සදා පෙම් බැදි නුබව හැරයනුත් හිතුවක්කාරි නොදන්න අයුරු..


එක් තත්පරයක් තුල ...දහසක් වෙස් වෙනස් වෙන..
චංචල හිත් ඇත්තනී...
කවිය නුබම විය...
ගී පදය නුබ විය..
මගේ මුලු ආත්මයම නුබම විය..


නුබේ හිත් අහස තුල මා...
එක නැවතුම් පලක්ම විය වෙහෙස නිවෙන්නට නුබ හිත රැදුන..
දනිමි...චංචල සිත් ඇත්තනී...
නුබ නොදන්නා යුරු..... එක් හිතකට පෙම් බැද..එ හිතම සැනහෙන්නට නොහැක්කෙක් වග..
දනිමි..චංචල සිත් ඇත්තෙනි දනිමි...

මොකද්ද මේ ජාලෙ කියන්නෙ #01

3 ප්‍රතිචාර | Read more...
ඔන්න මම අද ඉදන් පරිගණක ජාලකරනය ගෑන දන්න තොරතුරු, විස්තර ටිකක් ලියන්න හිතුවා.බලන්නකො ඔයාලටත් මේ විස්තර ප්‍රයෝජනවත් වෙනවද කියලා.එහෙනම් ඔන්න අපි පටන් ගමු.ඉස්සර වෙලාම අපි බලමුකො මොකද්ද මේ පරිගණක ජාලයක් කියන්නෙ කියලා.

සරලවම කිව්වොත් පරිගණක ජාලයක් කියන්නෙ, පරිගණක 2ක් හෝ ඊට වඩා වෑඩි ගනනක් සන්නිවේදන මාධයයක (Commiunication Media) උදව්වෙන් එකිනෙකට සම්බන්ධ කිරීම කියල මුලින්ම හිතන්නකො.එතකොට ප්‍රශ්නයක් එයි මොකද්ද මේ Commiunication Media කියන්නෙ කියල නේද? අනික ඈයි මෙහෙම සම්බන්ධ කරන්නෙ කියලත් හිතෙනවා ඈති.

සන්නිවේදන මාධ්‍යක්( Commiunication Media) කියල කියන්නෙ අර කිව්ව ජාල වල, පරිගණක අතර දත්ත සහ තොරතුරු ගබඩා කිරීම හා සම්ප්‍රේශනය සදහා උදව්වෙන මෙවලමක්.

ඒ වගේම, මෙහෙම පරිගණක,ජාල විදියට සම්බන්ධ කරන්න ප්‍රධානම හේතුව වෙන්නෙ පරිගණක පාවිච්චි කරන්නන්(Computer Users) අතර සන්නිවේදනය කරගන්න ගමන් එකිනෙකා ලග තියන සම්පත් අනිත් අයත් එක්ක පහසුවෙන් හුවමාරු කරගන්න(resourse shairing) මේ ක්‍රමය නිසා පුලුවන් වීම.


මෙන්න මේ තියෙන්නෙ සරලතම පරිගණක ජාලයකට උදාහරණයක්,මේකෙ තියෙන්නෙ එකිනෙකට සම්බන්දවෙලා පරිගණක දෙකයි.

 මේ පරිගණක කීපයක් එකතු කරල හදලා තියන කලින් එකට වඩා ටිකක් සංකීර්ණ පරිගණක ජාලයක් .

මේ ජාල අතර පාවිච්චි වෙන සන්නිවේදන මාධ්‍යය wired නෑත්තම් wireless වෙන්නත් පුලුවන්.ඔන්න තේරුන්ගන්න ලේසි වෙන්න මම උදාහරනයක් දෙන්නම්කො.
wired වලට උදාහරණ විදියට Copper wire,Fiber optics වගේ ඒවා ගන්න පුලුවන්.
මේ තියෙන්නෙ Fiber optics

wireless  වලට උදාහරන විදියට Infrared, Bluetooth,වගේම Commiunication Satalites ගන්න පුලුවන්.මේ කිව්වෙ උදාහරන කීපයක් හරිද.තව ගොඩක් විදි තියෙන්න පුලුවන්.

 මෙන්න මේ විදියට  ගොඩක් Devices කනෙක්ට් කරන්න පුලුවන් wireless ව.මෙතනදි ඔයාලට තේරෙනවා ඈති පරිගණකයක් එක්ක වෙන Device එකක් වුනත් මේ විදියට wired හෝ wireless විදියට ජාලගත වෙන්න පුලුවන් විත්තිය.

දෑන් ඔයාල දෑන ගන්න ඈතිනෙ සරලවම පරිගණක ජාලයක් කියන්නෙ මොකද්ද කියලා.(මම් එහෙම හිතනවා ඔන්න හරිද?
)ලංකාවෙ වගේම ලෝකෙ පුරාම මේ විදියට පරිගනක ජාල අතර සන්නිවේදනයක්‍ සිදුවෙනවනෙ.මේව ඉතින් ආවගියාට කරන්න බෑනෙ,ඒ නිසාම මේව සම්බන්දයෙන් ප්‍රමිතියකුත් තියනවා.ලංකාවෙ මෙන්න මේ සන්නිවේදන සේවා සෑපයුම් සදහා වගකීමෙ ප්‍රධානත්වය දරන්නෙ SLT ආයතනය.

ඒවගේම ලෝකෙ රටවල් අතරෙ මේ විදියට ප්‍රමිතිකරනය පවත්වාගන්නෙ මූලික වශයෙන් ITU හෙවත්International Telecommunication Union එක මගින්.

අදට ඔය ඈති ,වෙන දවසක මම තව තොරතුරු ටිකක් කියන්නම්කො.


Friday, December 24, 2010

අක්ෂර අපේ නත්තල් ගහ..

7 ප්‍රතිචාර | Read more...
ඔබ

සැම හටම

සාමය හා සතුට

පිරී ඉතිරි යන්නාවූ

ප්‍රීතිමත් හා සුබ නත්තලක් වේවා!

May 

joy and happiness snow on you, 

may the bells jingle for you 

and may Santa be extra good to you! 

Merry Christmas!

මේ අක්ෂර අපේ නත්තල් සුබ පැතුමයි !

ලංසුව

4 ප්‍රතිචාර | Read more...


හදවත ආදරයෙන් මායම් කලද...........
ලංසුව හමුවේ මිලක් ලද ජීවිතය,
තව සොදුරු ලොවකට,
යන මං පාදයි............

සුපිරි පංතියේ වාහනයක,
විල්ලුද ඇතිරුමෙන් මා ලබන පහස..........            
සුකොමල යුවතියකගේ උණුසුමෙන්,
සනහාලිය හැකි වේද...............

ආලය කොතරම් උස් වුවද,

අස්තීර ආලයෙන්,
ජීවිතය දිනන්නට,
මා ලද වත්කමක් නොමැත..........

එබැවින්,
මතු යම් දිනක........
ජීවිත වෙන්දේසියේ.........
ආලයද පරදා..........
ඉහලම ලංසුවට ,

මා වෙන්දේසි වනු ඇත............

Thursday, December 23, 2010

කොම්පියුටර් දොස්තර - 01 පාඩම

11 ප්‍රතිචාර | Read more...

                                අද ඉඳන් අපි අක්ෂර අඩවිය තුලින් අලුත් දෙයක් පටන් ගන්න හිතුවා. ඒ කොම්පියුටර් දොස්තර පාඩම් මාලාව. අපි මේකෙන් බලාපොරොත්තු වෙන්නෙ පරිගණක දෘඩාංගකරණය පිලිබඳව මල පොතේ අකුරක්වත් නොදන්නා කෙනෙකුගේ පටන් ඕනම කෙනෙකුට මේ විෂය පිලිබඳව තරමක් දුරට පුළුල් දැනුමක් ලබාදීමයි.. පුලුවන් තරම් සරල බස් වහරකින් ඉදිරිපත් කරන්න අපි අදහස් කරනවා. අපි  හිතනවා මේ පාඩම් මාලාව අවසානයේ ඔබේ පුද්ගලික පරිගණකය ඔබටම හදාගන්න පුලුවන් තරමට දැනුමක් ලැබෙයි කියලා. එහෙනම් වැඩේ පටන් ගමු.


                               සාමාන්‍යයෙන් සත්ව ලෝකයේ විවිධාකාර සතුන් අපිට දකින්න පුලුවන්. දොස්තර කෙනෙක් උනාම දල වශයෙන්වත් ඒ හැම සතෙක් ගැනම දැනගෙන ඉන්න ඔනා. මොකද මිනිසෙක් කියලා හිතලා දොස්තර බල්ලෙක්ට වෙදකම් කරන්නෙ නැහැනෙ. ඒ වගේ තමයි පරිගණක ක්ෂේත්‍රයේත් විවිධ පරිගණක වර්ග අපිට හමුවෙනවා. අපි මුලින්ම විවිධ පරිගණක වර්ග පිලිබඳව පොඩි අවබෝධයක් ලබාගමු. 

පරිගණකයක ක්‍රියාකාරීත්වය හා ස්වභාවය අනුව මූලිකව කොටස් කීපයකට බෙදෙනවා.


                 01. පුද්ගලික පරිගණක ( Presonal Computers / Micro Computers)
                 02. Notebook / Laptop
                 03. P.D.A ( Presonal Digital Assistant )
                 04. සුපිරි පරිගණක ( Super Computers)



පුද්ගලික පරිගණක ( Presonal Computers)


                          පරිගණකය කියු පමනින් මතකයට එන්නෙ පුද්ගලික පරිගණකයක ව්‍යුහය. අද සමාජයේ වැඩිපුරම භාවිතාවන පරිගණක වර්ගයත් මෙයයි. අපි ඉදිරියේදී තවදුරටත් පුද්ගලික පරිගණක පිලිබඳව සාකච්ජා කරමු.




Notebook / Laptop...


                          හැඩයෙන් හුරුබුහුටි පෙනුමක් ගන්නා මෙම පරිගණක වර්ගය ප්‍රමාණයෙන් පුද්ගලික පරිගණක වලට වඩා කුඩා වෙනවා. නමුත් ක්‍රියාකාරීත්වය අතින් පුද්ගලික පරිගණකය හා එක මට්ටමේම තබා සලකන්න පුලුවන්. අපි Laptops ගැන ඉදිරියට තවත් විස්තර දැනගමු.



P.D.A ( Presonal Digital Assistant ) 



                           සාක්කුවේ ගෙනයා හැකි ප්‍රමානයෙන් නිශ්පාදිත මෙම පරිගණක වර්ගය පෙනුමෙන්  බොහෝදුරට ජංගම දුරකතනයකට සමාන වෙනවා.    බොහෝ දුරට ස්පර්ශයට සංවේදී තිරයකින් ( Touch Sensitive Display ) සමන්විත P.D.A වලට Touch Pen එකක් ආධාරයෙන් දත්ත ඇතුල් කරනු ලබනවා. Outdoor Banking, Outdoor Marketing ආදී ක්ෂේත්‍රයන්ගේදී බහුලව භාවිතාකරන P.D.A පරිගණක සමහර රටවල පොලිස් සේවයේද ( දඩ කොල ලිවීමට ) භාවිතා කරනු ලබනවා.

සුපිරි පරිගණක ( Super Computers )

IBM සුපිරි පරිගණකය

විශාල වපසරියකින් යුත් ප්‍රදේශයක  පවතින පද්ධති ඒකක විශාල ප්‍රමානයකින් සමන්විත මෙම පරිගණක අතිශය තීක්ශණ ගනනය කරීම් සඳහා භාවිතා වෙනවා. ක්‍රියාකාරීත්වය අතින් සෑහෙන තරම් ඉදිරියෙන් සිටියත් නිශ්පාදනයට හා නඩත්තුවට අධික පරීවැයක් දැරීමට සිදුවීම මෙහි අවාසියක් ලෙස සලකන්න පුලුවන්. 




මීට අමතරව MainFrame හා Mini Computers ලෙස පරිගණක වර්ගද තිබෙනවා. නමුත් ඒවා බොහෝදුරට දැන් භාවිතයේ නැති නිසා ඒ ගැන සඳහනක් කරන්න මම බලාපොරොත්තු වෙන්නෙ නෑ.. 

Main Frame computer


                      අද අපි සාකච්ජා කලේ පරිගණක වර්ග පිලිබඳව, ඔබට මේ පාඩමෙන් ගන්න යමක් තියෙන්න ඇති කියලා මම හිතනවා. ඒ නිසා කියවලා, තියන ප්‍රශ්ණයි, හොඳ නරකයි කියලා කොමෙන්ටුවකුත් දාලා යන්න. අපි ඊලඟ පාඩමෙන් පරිගණකයක කොටස් පිලිබඳව සාකච්ජා කරමු. 


ප: ලි:


                   කනියාගේ සටහන බ්ලොග් අඩවියේ කනිශ්ක සහෝදරයාත් මේ වගේම ලිපි පෙලක් ලියලා තියනවා කියලා දැනගන්න ලැබුනා, මේක ඒ සහෝදරයාගෙන් කොපි නොකර මම ස්වාධීනව කරගෙන යන වැඩක්. ඒ නිසා මම කොපි කරා කියලානම් හිතන්න එපා. මේ ලිපි නිසා කනිශ්ක සහෝදරයාට යම් අපහසුතාවයක් උනානම් ඒකට සමාව ඉල්ල සිටිනවා. මේ පිලිබඳව අදහස් වෙතොත් කොමෙන්ටුවක් දාන්න කියලා ආදරයෙන් ඉල්ලා සිටිනවා.

Wednesday, December 22, 2010

අක්ෂරයට සෙනෙහසින්...

2 ප්‍රතිචාර | Read more...
රොද බැඳී මිතුරුදම්
එකිනෙකා සෙනෙහසින්
ගලායන ජීවිතය
මම හිතන හැටි සමග
තවත් මිතුරන් එක්ව
ඇරඹි අක්ෂරය වෙත
ලියමි මා මේ ලෙසින්..,

මිතුරුදම් බෝ අගෙයි
කිසි දිනෙක නිම නොවෙයි
පදවැලක වදන් මෙන්
අරුත් දෙයි සුවද දෙයි
එකාමෙන් දිදුලන්න 
සයිබරය ජය ගන්න
පුදන මේ සුභ පැතුම්
ඔබ සැවොම පිළිගන්න..

මේ සුභපැතුම් අක්ෂරයේ මගේ යාළුවෝ හැමෝටම.ඒ වගේම මුලින්ම මම නදී අක්කාට ගොඩාක් ස්තුතිවන්ත වෙනවා මාවත් මේ වටිනා කටයුත්තට එකතු කර ගත්තාට.මටත් වඩා නදී අක්කා ඒකට ගොඩක් මහන්සි වුණා.ඉතින් නදී අක්කා,ළමයා,සුදුහංසි,පොඩි මහත්තයා,මමයි ඔයයි සහ චේතන ඔයාල හැමෝටම ස්තුතියි මාව අක්ෂරයට එකතු කරගත්තට.අක්ෂරයට ජය..හැම දෙනාටම සුභ රැයක්..!!

මේ පොඩි එකාගෙ වැඩ

5 ප්‍රතිචාර | Read more...
ඔන්න වෙනද වගේම එදත් අප්පච්චි පත්තරේ බලබල හිටියා.පුරුද්දක් විදියට අපේ ගෙදරට ගත්තෙ සතියන්ත පත්තර දෙක.අනිත් දවස් පහේම අප්පච්චි ගෙදර ලග කඩෙන් ලංකාදීපෙ ගෙනත් බලනවා.බලලා කලින් දවසෙ පත්තරේ රෑ අටට විතර ගිහින් දෙන්නෙ.එදා පත්තරෙත් ඒත් එක්ක ඉල්ලගන එනවා.

ඒ දවසෙත් අප්පච්චි සාලෙට වෙලා පත්තරේ බලනවා,අක්කයි,අම්මයි මමයි ටීවී බලනවා.ඔහොම ඉද්දි රෑට කොන්ඩෙ පීරල ගොතලනෙ මම් නිදියන්නෙ,(මම හය වසරෙ ඉද්දි)ඉතින් කොන්ඩෙ පීරලා ගොතාගන පනාවත් අරන් ආවා සාලෙට.අප්පච්චි කණ්ණාඩි දෙකත් දාගන පත්තරේ බලනවා.අප්පච්චිගෙ ඔලුවෙ ඉස්සරහ පොඩ්ඩක් තට්ටෙ පෑදිලා,පිටිපස්සෙ හරියෙ කොන්ඩෙ තිබ්බා.

වෙනද වගේ මම විහිලුවට අප්පච්චිගෙ කොන්ඩෙ පීරුවා.පීරලා මම් කොන්ඩෙට දාල හිටිය කලු පාට බූල් බෑන්ඩ්ස් දෙකෙන් අප්පච්චිගෙ චූටි කොන්ඩ දෙකක් බෑන්දා.(ඒදවස් වල මම් ලග තිබ්බ හොද බූල් බෑන්ඩ්ස් කලෙක්ශන් එකක්,එක එක පාට ,ලස්සන ලස්සන ඒවා අම්ම අරන්දීපු).ටික වෙලාවකින් මටත් ඕක අමතක උනා ටීවි බෑලිල්ල නිසා.ඒත් එක්කම අප්පච්චී කඩේට ගියා ඊයෙ ගෙනාව පත්තරේ දීල එන්න,ගෙදර ලග කඩේට.

ඔන්න ටික වෙලාවකින් අප්පච්චි එනවා,ඈවිල්ල කියනව අහ්... අද මාරවෑඩේනෙ මට උනේ කියලා.අපි ඔක්කොම ටීවී එක බෑලිල්ල පෑත්තක තියලා අප්පච්චි පෑත්තට හෑරුනා.මම් කඩේට ගියා පත්තරේ දෙන්න..ඉතින් වෙනදවගේ කතා කරකර මුදලාලි හිනා වෙනව,මටත් ගානක් ගියෙනෑ.කඩේට ආව කොල්ලෙකුත් හිනා වෙවීගියා,ඒත් මම් බෑලුවා සරම වත් ඉරිලද කියල,එහෙමත් නෑ.එතකොටම මුදලාලි ඈහුවනෙ මහත්තයා කොන්ඩෙ ඈදෙන්න මොනවත් කරනවද කියලා.

එතකොට තමයි තේරුනේ මේ පොඩි එකාගෙ වෑඩ.මේකා මගෙ කොන්ඩෙ පීරපීර ඉදලා කොන්ඩ දෙකක් බෑදල, මම ගානක් නෑතුව ගියානෙ කඩේට.

Tuesday, December 21, 2010

සමන් දෙවිඳු කරුණාව

5 ප්‍රතිචාර | Read more...
උඳුවප් පොහොයෙන් ඇරඹෙන සිරිපා වන්දනා සමය වෙනුවෙන්............














Monday, December 20, 2010

සීතල සිතිවිලි

2 ප්‍රතිචාර | Read more...
පොඩි නොවන්නට
සුසුදු වලා කැටි
විල්ලුද සයනයෙන් බට,
සුරගනකි,........
රුව නුඹට සරිවේ
ඉවසමි තුටින්
ඇසුණු බොල් හඩ..
කබල් බෙලෙක් කොප්පයෙන්....

රුවන්වෑලි සෑය

5 ප්‍රතිචාර | Read more...




මේ තියෙන්නෙ, අපි මිට මාස කීපයකට කලින් අනුරාධපුරේ ගිය වෙලාවක රුවන්වෑලි සෑය වදින්න ගිහින් ගත්ත පිංතූර ටිකක්.වදින්න යන්න උනේ නම් ටිකක් හවස් ජාමේ.මේ වෙද්දිත් යුද්දෙ කාලෙ තිබුන ආරක්ශක බාධා ඉවත් කරල නම් තිබ්බෙ නෑ.ඒ නිසා අපිට ටිකක් දුර පයින් යන්නත් සිද්ද වුනා.

වන්දනාමාන කරල කට්ටියටම ඔනෙ වුනා ටිකක් වෙලා  රුවන්වෑලිසෑ මලූවෙ වාඩිවෙලා ඉන්න.ටිකක් කීව්වට ඒක ටිකවෙලාවක් නම් වුනේ නෑ.දන්නෙම නෑතුව පෑයක් දෙකක් ගතවෙලා තිබ්බා.රෑට විදුලි ආලෝකය නිසා තවත් ලස්සනයි දාගෑබ,හිතට අමුතුම සනීපයක් සෑහෑල්ලුවක් දෑනෙනවා එතන ඉද්දී...





කියන්න අපිට..

| Read more...

අයන්න

3 ප්‍රතිචාර | Read more...

අක්ෂරයේ පළමු ලිපිය මාවෙතින් ලියන්නට ආරධනා ලැබීම ගැන හදපත්ලෙන්ම අක්ෂරයේ නිර්මාපකයින් වන ළමයා හා නදී අක්කාට ස්තූතිවන්ත වෙමි. “අක්ෂර“ වෙනුවෙන් මගේ පළමු ලිපිය ලෙස කුමක් ලියන්නදැකි කල්පනා කරන කල්හී “අක්ෂර“ වෙනුවෙන් අකුරෙහි වැදගත්කම මාගේ ඇසින් ඔබ වෙත ගෙන ඒමට සිතුනි.

අපි බස හසුරවන්නෙමු. ඒ අපට භාෂාවක් ඇති බැවිනි. අපේ භාෂාව සිංහලයි. එලෙසම ලෝ පුරා විවිධ වූ භාෂාවන් අප්‍රමාණව ඇත. මිනිසා නමැති සත්වයා මෙන්ම, අනෙකුත් සතුන්ද තමන්ටම ආවෙනික වූ භාෂාවන් හසුරුවයි. නමුත් මිනිසාභාවිතා කරන බසෙහි විෂේශත්වයක් ඇත. එනම්, ඔහු බස අකුරු කිරීමයි. එනම්, තම අදහස ලිඛිත මාධ්‍යක් ඔස්සේ එළි දැක්වීමයි. “අක්ෂර“ බිහිවන්නේද එහි පිහිටෙනි.

අද අපි අක්ෂර ඔස්සේ විවිධ කෙළි සෙල්ලම් කරමු. විටෙක එය අපූරු නිදහස් මාධ්‍යකි. විටෙක එය වදයකි. එහෙත් අපූරු නිර්මාණයකි. අකුරු කවදා කොතැනින් ඇරඹුනිදැයි කිසිවකුත් නොදනී. නමුත් ඈත අතීතයක සිට කෙමෙන් කෙමෙන් සංවර්ධනය වී අද පවතින සුකොමල අකුරු බිහිවී ඇති බව කාගේත් පිළි ගැනුමයි. පළමු කොටම අදහස් ප්‍රකාශනයට චිත්‍ර රූපක ආදිය භාවිතා වූ බවට සාධක ඇත. එයින් ඇරඹුනු අකුරේ පරම්පරාව අද අතුපතර විහිදාගත් මාහා වෘක්ෂයක් බඳුය. තවමත් නොනැසී වැඩේ. මුලු මහත් විශ්වයම ආක්‍රමණය කරමින් එය වැඩේ.

‘අයන්න‘ සිංහල හොඩියේ සංකේතය බඳුය. ඒප්‍රමුඛයායි. අයන්නෙන් බිහිවන අක්ෂර මාලාව සිංහල හෝඩියයි. දරුවකු අකුරු කියවන්නේ අයන්නෙන් අරඹීමෙනි. ඉතින් අයන්න අප ජීවිතයට කොතරම් සමීප මිතුරෙක්ද....


අකුරු ගලපා, පටලා ලියාගන්නා දෙය විටෙක අපූරු නිර්මාණයකි, විටෙක මරණ වරෙන්තුවකි. බලන්න එහි වෙනස. රසය ආශ්වාදය මෙන්ම, බිය සංත්‍රාසයද එහි ගැබ්ව පවතින අපූරුව. 


ඉතින් අක්ෂර වෙනුවෙන් දිගු ගමනක ප්‍රමුඛ වෙඩිමුරයක් මෙලෙස පොඩි මහත්තයාගෙන් සනිටුහන් කරමි.... 
අක්ෂරයට සුභාශිංසන...

අකුරු කරණයේ අපූරු සබැඳූම ඉදිරියෙනි.........................පරිස්සමෙන් දෑස්රිය පදවන්න. 

Sunday, December 19, 2010

අක්ෂර....

9 ප්‍රතිචාර | Read more...
නිමක් නැති සිතුම් ගලපන අක්ෂරයට සයිබරයේ ඉඩක් ලබාදෙන්න කාලයක ඉදන් අදහස තිබුණත් විවිධ හේතු නිසා ඒ දේට හැකියාව ලැබුණේ නෑ.ඒ වගේම මේ බ්ලොග් අඩවිය තනි කෙනෙකුගේ අඩවියක් ලෙස නොව බ්ලොග්කරුවන් කිහිපදෙනෙකුගේ එකතුවෙන් නිර්මාණය කරන්න නදී අක්කත් මමත් මුල ඉදලාම අදහස් කරගෙන හිටියා. ඉතින් ඒ සඳහා රචකයන් එකතු කරගෙන අවසානයේ 2010 දෙසැම්බර් මස 19 වන දිනයේ පටන් "අක්ෂරය" මේ විදියට අක්ෂරගත වන වගයි....

මෙම බ්ලොග් අඩවියේ රචකයන් විදියට මම(ළමයා), නදී, සුදු හංසි, පොඩි මහත්තයා මේ වෙනකොටත් එකතු වෙලා තියෙනවා.ඒ වගේම තවත් සිංහල බ්ලොග්කරුවන් කිහිපදෙනෙක්ම එකතු කරගන්න අපි අදහස් කරගෙන ඉන්නවා.ඒ අයත් නුදුරේදීම "අක්ෂරය"සමග අත්වැල් බැඳගනීවි කියලා අපි බලාපොරොත්තුවෙනුයි ඉන්නේ.

අක්ෂර සමග එකතු වෙලා ඉන්න,ඒ වගේම එකතු කරගන්න බලාපොරොත්තුවෙන් ඉන්නේ විවිධ වූ විශයන් ගැන බ්ලොග් සටහන් ලියන, එම විශයන් ගැන හෙඳ හැකියාවන් වලින් පිරිපුන් පිරිසක්. එම නිසා අක්ෂරය නම් වූ මෙම බ්ලොග් අඩවිය විවිධ වූ ක්ෂේත්‍රයන් හරහා දිවෙන විවිධත්වයකින් යුක්ත වූ බ්ලොග් සටහනක් වන බවනම් නොඅනුමානයි.

ඉතින් දැනුමින් විනෝදයෙන් පරිපූර්ණව අදින් ඇරඹෙන "අක්ෂර" බ්ලොග් සටහනත් සමග ඔබ සියලූම දෙනා ඉදිරියේදීත් රැදිලා ඉදීවි අපි බලාපොරොත්තු වෙනවා.