කඩුගන්නාව-ඉහලකෝට්ටේ රේල් සවාරිය.

Monday, October 3, 2011




මේ අපේ සයිබරේ සෙට් එකත් එක්ක මම(පොඩි මහත්තය) පහුගිය දිනක ගිය අපූරු චාරිකාවක් ගැන සංෂිප්ත දිගහැරුමක්.

රඹුක්කන සිට කඩුගන්නාව දක්වා දුම්රිය මාර්ගය දල බෑවුමකින් යුකත් අතර දුම්රිය මගේ සීග්‍රතම නැග්ම මෙම කොටසේදී දැකිය හැකියි. ශ්‍රීලංකාවේ දෙවන තැනට දිගම බිම්ගෙය වන 9A බිම්ගය ද මෙම කොටසේ පිහිටා ඇත. ශ්‍රීලාංකේය දුම්රිය ගමන් මග පහත තැනිතලා භූමිය පසුකර කඳුකරයට පිවිසෙන පිවිසුම් මාර්ගය මෙය වන බැවින් පරිසරය පද්ධතියේ සීඝ්‍ර වෙනසක්ද මෙම කලාපයේදි දැකිය හැකිය. කඳු පන්ති අතරින් දිවෙන දුම්රිය මගේ සොඳූරු ඉසව්වක් ලෙසද මෙම කලාපය හැඳින්වීම වරදක් නොවේ.

සැප්තැම්බර් මස තුන්වනදා මම නොයිවසිල්ලෙන් බලා සිටියේ ඒ අපූරු චාරිකාවට එකතුවීම සඳහාමයි. උදේ පාන්දරින්ම ගෙදරින් පිටතුවුන මම පොල්ගහවෙල දුම්රිය ස්ථානයේදී අනෙක් සගයන්ද පැමිණි පොඩිමැණිකෙ දුම්රියට ගොඩ වුනා.

උදේ 8 පමණ වන විට කඩුගන්නාව දුම්රියස්ථානයට ලඟා වුන අපි උදේට කාල බීල හෙම ලෑස්තිවුනා චාරිකාවට. කඩුගන්නාව දුම්රිය ස්ථානය ආසන්නයෙන් රේල් පාරට ගොඩවුන අපි ඒ ඔස්සෙ පහලට ඇවිදිගන එමින් ගමන් ඇරඹුවා.


මේ ඉන්නෙ කට්ටිය... ඔය වම් පැත්තෙන් ඉන්නෙ නඩේ ගුරා කෝච්චියා අයියා.
වැහි කොඩෙත් සවාරියට අපූරු චමත්කාරයක් එකතු කරන්න අමතක කලේ නෑ. පරිසරය නව ජීවයක් ලද්දකු මෙන් නැවුම් බවකින් පිරී ඉතිරී ගොස් තිබුනා. තෙත බරිත පරිසරය සිතටත් ගතටත් මහා සැහැල්ලුවක් එකතු කලේ ගමන් වෙහෙස පවා සුන්නද්දූලි කරමින්. 

තෙතබරිත සුන්දරත්වය
 අපිට සිග්නල් නෑ හැබැයි අපි ඉදිරියටම යනෝ....

වැස්සෙම පොටෝ ගන්න පොටෝ කනී...

බිම් ගෙවල් තුලින් දුම්රියේ යන්නෙකුට එතුල මෙතරම්ම කලුවර බව වැටහුනාදැයි සැක සහිතය. අඳුර කොතෙක් පැතිර තිබුනේද යත් අප ගෙනගිය විදුලි පන්දම් වලින් නිකුත්වූ ආලෝකය අපට දැනුනේ කනාමැදිරි එළියක් ලෙසිනි.


වැස්ස තුරන් වූ සැනෙන් අවට පරිසරය ගිලගත් මීදුම අපූරු චමත්කාරයක් පරිසරයට එක්කලේ අපේ රටේ සොබා සිරිය මොනවට කියාපාමිනි.
සිංහ කට ලෙස හැඳින්වෙන ගල් කුල මීදුමෙන් වැසී ඇති අවස්ථාවක...

බලන මොටන අලගල්ල පැනලා, සුද්දා මෙහාට එනවා බොරු...
-මෙන්න මෙහෙමයි ඒ කාලෙ කන්ද උඩරට පිවිසුම ගැන කියවිලා තියෙන්නෙ.
අද දුම්රිය මර්ගය දිවෙන්නෙ මෙම කඳු පන්ති අතරින.

දුම්රිය මගට බතලේගල දිසුවන අයුරු.
බලන දුමරිය ස්ථානය.
බලන දුම්රිය ස්ථානයේ ස්ථානාධිපති දිසානායක මහතා ලංකාවේ තනිමාර්ගයේ දුම්රිය ගමනාගමනය සඳහා බාවිතාවන ටැබ්ලට් පද්ධතිය ගැන අපව දැනුවත් කරමින්.

දුම්රිය මගට දිස්වන අලගල්ල කඳු මුදුන.
ඈත කඳු පන්තිය දිස්වන අයුරු
අපේ ගමනාන්තය වුනේ ඉහල කෝට්ටේ දුම්රිය ස්ථානයයි.


මේ ඉන්නෙ සෙට් එක. ඡායාරූප අනුග්‍රහය ප්‍රවීන් ඉන්ද්‍රනාම අයියගෙන්.

කිලෝ මීටර 12ක පමණ දුරක් වූ කඩුගණ්නාව දුම්රිය ස්ථානයේ සිට ඉහල කෝට්ටේ දුම්රිය ස්ථානය දක්කවා දුර පයින්ම ගමන් කලද ගතටත් සිතටත් කිසිම වෙහෙස මහන්සියක් නොදැනුනේ සොබා සෞන්ධර්යෙන් අනූන වූ කලාපයක සිහිල් පිරිසිදු වාතාශ්‍රෙයන්ද පෝෂිතවූ නිසාවෙන්මැයි සිතේ.

සොබා දහම රැකගනිමින් ඔබත් පරිසර චමත්කාරය විඳගන්නට එක්වන්නට ඇරයුම් කරමින්, තවත් සොබා සුවිසැරියකින් හමුවන තුරු ඔබට ජය.
පරිසරය සුන්දරයි-රැකගැනුම යුතුකමයි!

14 ප්‍රතිචාර:

  • ..ChAnDiKa.. says:
    October 3, 2011 at 8:32 AM

    ෂා මෙන්න අපේ පොඩි මහත්තයත් ලියලා :) නියමයි නියමයි!!!

  • පොඩි මහත්තයා says:
    October 3, 2011 at 8:35 AM

    බෝම ස්තූතියි. දැං මාසෙක විතර ඉඳන් ලියල ඊයෙ තමයි ඉවර කලේ ;)

  • deeps says:
    October 3, 2011 at 8:43 AM

    @පොඩි මහත්තයා

    මාත් ඊයේ රෑ 2 කට විතර තමා ලියලා ඉවර කළේ...

  • deeps says:
    October 3, 2011 at 8:44 AM

    අහ්හ් මේකටයි එහෙනම් ෆොටෝ ඉස්සුවේ :)

    නියමයි මල්ලි...මාත් ඔන්න මේ ලිපිය මගේ බ්ලොග් පොස්ට් ඒක යටින් එල්ල ගන්නවා

  • Dee says:
    October 3, 2011 at 8:45 AM

    මොටන තියෙන්නෙ කොහෙදෝ....?

  • මධුරංග says:
    October 3, 2011 at 8:50 AM

    මරු ට්‍රිප් එකක්. මේ ෆොටෝ දක්කම යන්න ආස හිතෙනවා.

  • deeps says:
    October 3, 2011 at 9:02 AM

    @Dee මොකක් ගැනද දැනගන්න ඕනේ? ඔයා අහන්නේ මේ කොයි හරියේ කියලද? ඒ ප්‍රශ්නෙට උත්තරේ මෙතන පැහැදිලිව තියනවා.

  • චේ උන්නැහේ... says:
    October 3, 2011 at 9:17 AM

    ඇයි හත්වලාමේ..... අපිට කතා නොකලේ.... කතා කොලානම් අපිත් එනවනේ.... :( :( :(

  • Anonymous says:
    October 3, 2011 at 9:20 AM

    අඩේ කවදැයි ගියේ?

    සීතල අයියා

  • නියමයි! මේ තියෙන්නේ.. ඔහොම දවස් ගනන් මම ලීවනම් එහෙම මට භාගයක් ලියද්දී සීන් එක අමතක වෙලා.. ඉතින් දමල ගහල ඉන්නවා :D

  • The Lion says:
    October 4, 2011 at 12:46 AM

    එළ එළ පොඩී නියමයි ........:D

  • චතුවා says:
    October 4, 2011 at 12:57 PM

    ආයි යං ආයි යං...... මට එදා එන්න බැරි වුනා‍නේ.. :(

  • නදී says:
    October 4, 2011 at 6:16 PM

    ආයම යන්කෝ අපිත් එක්ක.ඔයා චාරිකාවෙ විස්තරේ ලස්සනට ලියල තියනව මල්ලි

  • පොඩි මහත්තයා says:
    October 4, 2011 at 9:26 PM

    @චේතන- අප්පට සිරි, උඹට කිව්වෙ නැද්ද මං සීන් කෝං එක... සොරි බං, සමහර විට උඹ පේන්ට ඉන්ට නැතුවැති ඒ කාලෙ, චතුවටයි, හාවටයි නං කීවා. වෝල් පෝස්ටුත් දැම්මනෙ අම්බානක..

    චතුවා & නදී- යං යං...

    @අනිත් සේරටම- බොහෝම ස්තූතියි... :)

Post a Comment